Kryeministria italiane, Georgia Meloni i ka bërë thirrje Bashkimit Evropian për menaxhim të përbashkët të emigracionit. Meloni theksoi se ajo që u vendos në Këshillin Evropian në shkurt duhet zbatuar urgjent marrë shkas nga mbytja e anijes së pak javëve më parë në Coutro të Kalabrisë.
“Pas mbytjes tragjike të anijes që ndodhi në Coutro të Kalabrisë, më 26 shkurt, angazhimi i përbashkët për të dhënë një përgjigje të përshtatshme evropiane ndaj problemit kompleks të migrimit e bën edhe më urgjente nevojën për të zbatuar të asaj që u vendos në takim”, thuhet në deklaratë.
“Siç është nënvizuar nga Presidenti i Këshillit Evropian, Charles Michel, masat konkrete të rritjes së veprimit të jashtëm, bashkëpunimit të zgjeruar në drejtim të riatdhesimeve dhe ripranimeve, kontrollit të kufijve të jashtëm të BE-së dhe luftës kundër trafikimit të qenieve njerëzore duhet të zbatohen, duke përdorur nga ana e BE, të gjitha politikave dhe mjeteve të nevojshme”, shtoi qeveria italiane.
“Këshilli i BE-së duhet të ndërmarrë hapa përpara për emigrantët”
“Ne jemi dakord që Këshilli i ardhshëm Evropian duhet të ndërmarrë hapa konkretë përpara për çështjet e migracionit, në temën e rrugës qendrore të Mesdheut dhe bashkëpunimit me vendet afrikane”, shtoi kryeministrja Giorgia Meloni pas takimit me kryeministrin Hollandez.
Më 26 Shkurt, një anije me emigrantë u përmbyt në brigjet jugore të Italisë duke shkaktuar dhjetëra viktima.